കെ.പി.എസിന്റെ ഒരു പോസ്റ്റിലിട്ട കമന്റ്

കെ.പി.സുകുമാരൻ അഞ്ചരക്കണ്ടിയുടെ ഒരു പോസ്റ്റിലിട്ട കമന്റ്. ബന്ധപ്പെട്ട പോസ്റ്റിലേയ്ക്കുള്ള ലിങ്ക് ഇതാണ്

ഈ പറഞ്ഞതുപോലെയൊക്കെയുള്ള സംഭവങ്ങൾ ഉണ്ടായിട്ടും ഒടുവിൽ നിർമ്മലിനു പ്രവേശനം അനുവദിച്ച പട്ടിക്കാട്ടെ കോളേജ് മാനേജ്മെന്റ് അവിടെ പ്രവേശനം നിഷേധിച്ചതിലെ അനുകമ്പയില്ലായ്മ മനസിലാകുന്നില്ലല്ലോ മാഷേ! അപ്പോൾ മനുഷ്യത്വം ഇല്ലാത്തവർ എസ്.എഫ്.ഐക്കാർ മാത്രമല്ല, അല്ലേ? മുസ്ലിം ലീഗിലും ഹൃദയമില്ലാത്തവരുണ്ടോ?

നിർമ്മൽ മാധവിന് പീഡാനുഭവങ്ങൾ ഉണ്ടായിട്ടുണ്ടെങ്കിൽ അത് വേറെ തന്നെ പരിശോധിക്കേണ്ടതാണ്. ഇനി മുൻസർക്കാർ ഇതിൽ പറയുന്നതുപോലെ സമാനമായ അന്യായം ചെയ്തിട്ടുണ്ടെങ്കിൽ അതും വേറെതന്നെ പരിശോധിക്കേണ്ടതാണ്. അല്ലെങ്കിൽ അന്ന് അത് പ്രതിപക്ഷത്തുള്ളവർ ശ്രദ്ധയില്പെടുത്തണമായിരുന്നു. സമരം ചെയ്യണമായിരുന്നു. ഇവിടെ നിർമ്മൽ മാധവ് എന്ന ഒരു വിദ്യാർത്ഥിയോട് സി.പി.എമ്മിനോ , എസ്.എഫ്.ഐയുടെ സംസ്ഥാന നേതൃത്വത്തിനോ കേരളത്തിലെ എസ്.എഫ്.ഐ സമൂഹത്തിനു മൊത്തമായോ ഒരു വ്യക്തിവിരോധവും ഇല്ല. ഊണ്ടാകേണ്ട കാര്യവുമില്ല. തെറ്റായ ഒരു കീഴ്വഴക്കം സൃഷ്ടിക്കുന്നതിൽ നിന്ന് അധികൃതരെ പിന്തിരിപ്പിക്കാൻ നടന്ന ഒരു പ്രത്യക്ഷ സമരം. സമരത്തിന്റെ രീതികളുമായി എല്ലാവർക്കും യോജിപ്പുണ്ടാകണമെന്നില്ല. എന്നാൽ നിയമപരമായി സർക്കാർ കോളേജിൽ അഡ്മിഷൻ നേടാൻ റാങ്ക് ലഭിക്കാതെ സ്വാശ്രയ കോളേജിൽ പഠിച്ച ഒരു കുട്ടി ഏതു സാഹചര്യത്തിലാണെങ്കിലും സർക്കാർ കോളേജിൽ അഡ്മിഷൻ നേറ്റുന്നത് പ്രോത്സാഹനജനകമല്ല. ഏതെങ്കിലും ഒരു സ്വാശ്രയ കോളേജിലേയ്ക്ക് നിർമ്മലിനെ പ്രവേശിപ്പിക്കാൻ ബന്ധപ്പെട്ട അധികൃതർ സമരം തുടങ്ങുന്നവേളയിൽത്തന്നെ ശ്രമിച്ചിരുന്നെങ്കിൽ മറ്റ് അനിഷ്ടസംഭവങ്ങൾ സംഭവങ്ങൾ എല്ലാം ഒഴിവാക്കാമായിരുന്നല്ലോ! കാര്യങ്ങൾ മനസിലാക്കി ആദ്യമേ ഉചിതമായ തീരുമാനമെടുക്കാതെ ശ്രീ. ഉമ്മൻ ചാണ്ടിസാർ എസ്.എഫ്.ഐ ക്ക് ഒരു സമരം കൂടി വിജയിപ്പിച്ചതിന്റെ പൊൻ തൂവൽ ചാർത്തിക്കൊടുത്തതിന് എസ്.എഫ്.ഐക്കാർക്കുനേരേ ഞെരിപിരികൊണ്ട് ഹാലിളകിയിട്ട് എന്തുകാര്യം!

സുബൈദയുടെ ബ്ലോഗിലിട്ട കമന്റ്

സുബൈദയുടെ ബ്ലോഗിലിട്ട കമന്റ്

ബന്ധപ്പെട്ട പോസ്റ്റിലേയ്ക്കുള്ള ലിങ്ക് ഇതാണ്

പോസ്റ്റ് വായിച്ചു. ഇതിൽ പറയുന്ന സംഭവങ്ങളെക്കുറിച്ച് ശ്രീ.യുക്തിയുടെയും താങ്കളുടെയും പോസ്റ്റുകൾ വായിച്ചുള്ള അറിവേ ഈ വിനീത വിധേയനുള്ളൂ. ഈ രവി ചന്ദ്രൻ ആരാണ്, എന്താണെന്നുപോലും ഈ പോസ്റ്റുകൾ വായിക്കുന്നതിനു മുമ്പ് അറിയാതെ പോയതിൽനിന്നുതന്നെ ഈയുള്ളവന്റെ ലോകപരിചയക്കുറവാണെന്നത് തെല്ലുസങ്കോചത്തോടെ അറിയിച്ചുകൊള്ളട്ടെ! എങ്കിലും സഹിഷ്ണുതയോടെയും ആരോഗ്യപരമായും ഉള്ള ഇത്തരം സംവാദങ്ങൾ നടക്കുന്നതിലുള്ള സന്തോഷം പങ്കുവയ്ക്കുന്നു. പിന്നെ ഈ സംവാദങ്ങൾ എന്നു പറയുന്നത് ആർക്കും ജയിക്കാനും ആരെയും ആർക്കും തോൽപ്പിക്കാനുമുള്ള ഉപാധികളായി കരുതാതിരിക്കുക.ഇവിടെ ജയപാരജയങ്ങളില്ല. ആശയങ്ങളുടെയും അറിവികളുടെടെയും പങ്കുവയ്ക്കലും അതുവഴി ലഭിക്കുന്ന വൈജ്ഞാനികമായ ഊർജ്ജവും ആർജ്ജിക്കലാകണം ഓരോ സംവാദത്തിന്റെയും ലക്ഷ്യങ്ങളിൽ പ്രധാനം. ഓരോ സംവാദവും വായിച്ചും അതിൽ ക്രിയാത്മകമായി ഇടപെട്ടും സ്വയം ഒരു നിലപാടിൽ എത്തിച്ചേരുവാൻ കഴിയുക എന്നതായിരിക്കും ഓരോ സംവാദത്തിന്റെയും പരിണതഫലം. അഥവാ അതങ്ങനെതന്നെ ആയിരിക്കണം. ഇവിടെ ജയിപ്പിക്കലും തോല്പിക്കലുമില്ല. ആളുകളുടെ ചിന്താശക്തിയെ ഉദ്ദീപിപ്പിക്കണം.നിലപാടുകൾ ഓരോ വ്യക്തിയുടെയും സ്വാതന്ത്ര്യമാണ്. ഓരോരുത്തരും ഏതു പക്ഷത്ത് നിൽക്കണം എന്നത് ആരും ആരോടും ആജ്ഞാപിക്കുന്നത് ജനാധിപത്യ മര്യാദ ആയിരിക്കില്ല. അഥവാ അത്തരം ആജ്ഞകൾ സ്വീകരിക്കുവാൻ ആരും ബാദ്ധ്യസ്ഥരല്ലതാനും. ഇവിടെ ആരും ആരോടും ഒന്നും ആജ്ഞാപിച്ചു എന്നല്ല സംവാദങ്ങളെ സംബന്ധിച്ച എന്റെ നിലപാട് വ്യക്തമാക്കി എന്നുമാത്രം!

ആരു ഭരിച്ചാലും കണക്കാണോ?

എന്റെതന്നെ ഒരു പോസ്റ്റിൽ ഞാൻ ഇട്ട ഒരു മറുപടി കമന്റ്‌. പോസ്റ്റിലേയ്ക്കൊരു ലിങ്ക്

സുശീലൻ,

എന്റെ അഭിപ്രായത്തിൽ ട്രഷറി മാത്രമല്ല, സകല സർക്കാർ ഓഫീസിലും ഇരിക്കുന്ന സർവ്വ യൂണിയനിൽ പെട്ടവരും നല്ലൊരു പങ്ക് ജനങ്ങളെ എടുക്കാത്ത പൈസയെ പോലെ നോക്കുന്നവരും നിസാര കാര്യത്തിനുപോലും ജനങ്ങളെ ബുദ്ധിമുട്ടിക്കുന്നവരും ആണ്. അതിന് അവരെ മാത്രം കുറ്റം പറഞ്ഞിട്ടും കാര്യമൊന്നുമില്ല. നമ്മുടെ നിയമങ്ങളുടെ അനാവശ്യമായ സങ്കീർണ്ണതകളും സാങ്കേതികതകളും കൂടിയാണ് അതിന്റെ കാരണം. ഏതെങ്കിലും സർക്കാർ ഓഫീസിൽ ഏതെങ്കിലും ഉദ്യോഗസ്ഥനിൽ നിന്ന് ജനത്തിനു നല്ല പെരുമാറ്റം കിട്ടുന്നുവെങ്കിൽ ആ ഉദ്യോഗസ്ഥൻ ജോലികിട്ടുന്നതിനു മുമ്പും പിമ്പും കോൺഗ്രസ്സിലോ സി.പി.എമ്മിലോ ഒക്കെ പ്രവർത്തിച്ച് ജനങ്ങളുടെ പ്രശ്നങ്ങൾ മനസിലാക്കിയിട്ടുള്ളവരായിരിക്കും. രാഷ്ട്രീയ ബന്ധമില്ലാത്ത അരാഷ്ട്രീയക്കാരായാലും ഏതെങ്കിലും സർവീസ് സംഘടനകളിൽ പ്രവർത്തിക്കുന്നവരായിരിക്കും. എന്നാൽ അതുകൊണ്ടു മാത്രം അവർ ജനകീയരാകില്ല. എന്നാൽ അവർ രാ‍ഷ്ട്രീയ പ്രവർത്തകർ കൂടിയാണെങ്കിൽ അവരിൽ നിന്ന് കുറച്ചെങ്കിലും മാന്യമായ പെരുമാറ്റം ലഭിക്കും. പിന്നെ ഈട്രഷറിയിൽ ഞാനും മാസാമാസം പോയി ക്യൂ ഒക്കെ നിൽക്കുന്നതാണ്. അതിന്റെ പൊല്ലാപ്പുകൾ ഒക്കെ അറിയാം. എങ്കിലും ചെക്ക്നൽകി പെൻഷൻ വാങ്ങൽ ഏർപ്പെടുത്തിയതോടെ തിരക്കില്ലാത്ത സമയം നോക്കി ചെന്നാൽ തള്ളില്ലാതെ പൈസ ഒക്കെ വാങ്ങി പോകാം. പക്ഷെ സർക്കാർ ഓഫീസുകളുടെ പോരായ്മകൾ പരിഹരിക്കുന്നതിനു പകരം എല്ലാം സ്വകാര്യവൽകരിക്കുന്നതിനെ ന്യായീകരിക്കാനാകില്ല.വില്ലേജ് ഓഫീസിലും പഞ്ചായത്താഫീസിലും ഒക്കെ അഴിമതിയും ഉദ്യോഗസ്ഥരുടെ ജനവിരുദ്ധസമീപനങ്ങളും ഉള്ളതുകൊണ്ട് അവയെഒക്കെക്കൂടി അങ്ങ് സ്വകാര്യവൽകരിച്ചാലോ? എന്തിന്, ബീറൊക്രസിയുടെ ആകെമൊത്തംടോട്ടൽ കുഴപ്പങ്ങൾ എല്ലാം കണക്കിലെടുത്ത് ഭരണ സിരാ കേന്ദ്രമായ സെക്രട്ടറിയേറ്റുതന്നെ നമുക്കങ്ങ് സ്വകാര്യവൽക്കരിക്കാം. സുശീലനെ പോലെയുള്ളവരുടെ താൽക്കാലിക സൌകര്യങ്ങൾക്ക് വേണ്ടി ചന്തലേലം മാതിരി രാജ്യം തന്നെ സ്വകാര്യ വ്യക്തികൾക്ക് ലേലം ചെയ്ത് കൊടുക്കുകയോ കൊട്ടേഷൻ കൊടുക്കുകയോ ചെയ്യണമെന്നു ഇടതുപക്ഷ വിരുദ്ധവികാരത്തള്ളലിൽ പറഞ്ഞുകളയാതിരുന്നാൽ ഭാഗ്യം!

സുബൈദയുടെ ബ്ലോഗിലിട്ട കമന്റ്

സുബൈദയുടെ ബ്ലോഗിലിട്ട കമന്റ്
ബന്ധപ്പെട്ട പോസ്റ്റിലേയ്ക്കൊരു ലിങ്ക്
http://zubaidaidrees.blogspot.com/2011/10/blog-post.html

പ്രിയ സുബൈദ,

എന്റെ ബ്ലോഗിൽ ഇട്ട ലിങ്ക് കണ്ടാണ് ഇവിടെ എത്തിയത്. ഇതിനുമുമ്പ് താങ്കളുടെ ബ്ലോഗിൽ വന്നിട്ടുണ്ടോ എന്ന് ഓർക്കുന്നില്ല. വന്നിട്ടുണ്ടെങ്കിൽ ഏതുപോസ്റ്റിലായാലും ഒരു കമന്റിട്ട് വായന അടയാളപ്പെടുത്തിയിരിക്കണം. ഇവിടെ വരാൻ കഴിഞ്ഞതിൽ സന്തോഷമുണ്ട്. എന്നാൽ വളരെ വിനയത്തോടെ ഒരു കാര്യം പറയട്ടെ. ഞാൻ മതാചാരങ്ങൾ പിൻപറ്റുന്നില്ല്ല. അതുകൊണ്ട് എന്തെങ്കിലും ദോഷം ഉള്ളതുകൊണ്ടല്ല. അത് നിരർത്ഥകം എന്നു കരുതുന്നതുകൊണ്ടാണ്.കൂടാതെ ദൈവമില്ലെന്ന് ഏതാണ്ട് ഉറപ്പിച്ച് ജീവിക്കുന്ന ആ‍ളാണ്. ദൈവം അയാർത്ഥവും മതം ഇന്നും ഒരു യാഥാർത്ഥ്യവും ആണെന്നാണ് ഞാൻ കരുതുന്നത്. മതങ്ങൾ ഉണ്ടെന്നും മതപരമായ വിവേചനങ്ങളും പർസ്പരമുള്ള അന്യമതപീഡനങ്ങളും ഇന്നും നിലനിൽക്കുന്നുണ്ട് എന്നും ഞാൻ മനസിലാക്കുന്നുണ്ട്. . മത-ദൈവ പക്ഷവാദിയല്ലെന്നുകരുതി ഈ വിവേചനങ്ങളെയും പീഡനകളെയും കണ്ടില്ലെന്നു നടിക്കാനാകില്ല.

എന്നാൽ മതാശയങ്ങൾ പ്രചരിപ്പിക്കുന്ന ബ്ലോഗുകളിൽ സംവാദത്തിനു നിൽക്കാറില്ല.എന്നാൽ യുക്തിവാദികളുടെ ബ്ലോഗിൽ പോയി എതിർത്തും അനുകൂലിച്ചും സംവദിക്കാറുണ്ട്. ഒന്നാമത്, രാഷ്ട്രീയ സംവാദങ്ങളാണെനിക്കിഷ്ടം. രാഷ്ട്രീയക്കാർക്ക് കുറച്ചൊക്കെ സഹിഷ്ണുതയുണ്ട്. മതപക്ഷപാതികൾക്ക് അതില്ലെന്ന്പറയേണ്ടിവരുന്നതിൽ ഖേദമുണ്ട്. ഞാൻ ചുരുക്കി ഒരു കാര്യം പറയാം. മതത്തെയോ അതിന്റെ പ്രവാചകന്മാരെയോ പ്രബോധകരെയോ വിമർശിച്ചാൽ പലപ്പോഴും അക്രമമുണ്ടാകാറുണ്ട്. യുക്തിവാദികളെ വിമർശിച്ചാൽ അതുണ്ടാകില്ല. അപ്പോൾ യുക്തിവാദികളുടെ സഹിഷ്ണുതയോ ജനാധിപത്യ ബോധമോ മതത്തിന്റെ ആൾക്കാർ വച്ചു പുലർത്താറില്ല എന്നു സാരം. മതപക്ഷപാതികൾ യുക്തിവാദികളുടെ യോഗത്തെ കടന്നാക്രമിക്കുന്ന അനുഭവങ്ങൾ ഒരുപാടുണ്ട്. എന്തിന് മുജാഹിദുകളുടെ യോഗത്തെ പരമ്പരാഗത സുന്നി വിശ്വാസികൾ ആക്രമിക്കുന്ന അനുഭവങ്ങൾ ഊണ്ടായിട്ടുണ്ട്. ഈയിടെ തിരുവനന്തപുരത്ത് ഒരു ഹിന്ദു സ്വാമിയെ ഹിന്ദുപക്ഷസംഘക്കാർതന്നെ ആക്രമിച്ചു. എന്തിന് പണ്ട് ഭൂമി ഉരുണ്ടതാണെന്നും അത് ഒരു ഗ്രഹമാണെന്നും അത് സൂര്യനെ ചുറ്റുന്നുവെന്നും പറഞ്ഞ സോക്രട്ടീസിനെ ക്രിസ്തീയ സഭകൾ എങ്ങനെ കൈകാര്യം ചെയ്തു എന്നും നമുക്കറിയാം. അപ്പോൾ പണ്ടും ഇന്നും മതങ്ങളിൽ ജനാധിപത്യ വിരുദ്ധതയും അസഹിഷ്ണുതയും അക്രമോത്സുകതയും ഉണ്ട്. യുക്തിവാദികൾക്ക് അതില്ല.

സത്യം, മതങ്ങളോടോ അതിന്റെ ആശയങ്ങളോടോ അതിൽ വിശ്വസിക്കുന്ന നിഷ്കളങ്കരായ ലക്ഷോപലക്ഷങ്ങളോടോ എനിക്ക് ഒരു വിരോധവും ഇല്ല. എനിക്ക് അതങ്ങളോട് അനിഷ്ടം തോന്നുന്നത് മതത്തിനെതിരെ ആരും ഒന്നും മിണ്ടി പോകരുതെന്ന അവയുടെ സംരക്ഷക വേഷക്കാരുടെ അക്രമോത്സുക ദുശാഠ്യം കാരണമാണ്. മതാധിപത്യം നില നിൽക്കുന്ന ഒരു രാജ്യത്തും യുക്തിവാദം അനുവദിക്കില്ല. എന്നാൽ യുക്തിവാദികൾ (അവർ രാഷ്ട്രീയ പ്രസ്ഥാനമല്ലെങ്കിലും) ഒരുവേള ഏതെങ്കിലും രാജ്യത്ത് ആധിപത്യമുറപ്പിച്ചാൽ അവിടെ മതവിശ്വാസത്തിനുള്ള സ്വാതന്ത്ര്യം അവർ നിഷേധിക്കില്ല.ഉറപ്പാണ്. കാരണം അവർക്ക് ജനാധിപത്യബോധമുണ്ട്.മതങ്ങൾക്കെതിരെ സംസാരിച്ചാൽ മതക്കാർ പ്രകോപിതരാകും. അതിനു നൂറുകൂട്ടം ന്യായങ്ങൾ അവർ പറയും. യുക്തിവാദികളെ പറ്റി ആർ എന്തു പറഞ്ഞാലും യുക്തിവാദികൾ ഒരിക്കലും പ്രകോപിതരാകില്ല. അവർ ആരെയും ആക്രമിക്കില്ല.

താങ്കൾ ഇവിടെ പറഞ്ഞ പോസ്റ്റുകൾ ഒന്നും (യുക്തിവാദികളുടേതടക്കം). ഞാൻ വായിച്ചിട്ടില്ല.(ഏതോ ഒന്നു വായിച്ചു. അത് എഴുതിയ ഖാൻ എന്റെ സുഹൃത്തായതിനാൽ.) അതുകൊണ്ട് വിഷയം വിട്ട് ഈ കമന്റ് ഇട്ടു എന്നു മാത്രം. ഞാൻ മതാശയങ്ങൾ പ്രചരിപ്പിക്കുന്ന ബ്ലോഗുകൾ സന്ദർശിക്കാറുണ്ട്. അത് മതങ്ങളെ പറ്റി അറിയാനാണ്. അവിടെ സംവാദത്തിനു നിൽക്കാറില്ല. അവരോട് സംവദിച്ചിട്ട് കാര്യവുമില്ല. എന്നാൽ യുക്തിവാദ ബ്ലോഗുകൾ വായിച്ചാൽ സംവാദത്തിനു നിൽക്കും. എന്നാൽ യുക്തിവാദബ്ലോഗുകൾ അധികം വായിക്കാറില്ല. അതിനേപറ്റി ഇനി കൂടുതൽ അറിയാനൊന്നുമില്ല. കൂടുതൽ അറിഞ്ഞാലും ഇല്ലെങ്കിലും, ദൈവമില്ലെന്ന കാര്യത്തിൽ ഞാൻ ഉറച്ചു നിൽക്കും. മതമെന്ന യാതാർത്ഥ്യത്തെ വിസ്മരിക്കുകയുമില്ല. ജാതിയുമതേ!

അക്രമം കൊണ്ട് മറ്റ് ആശയങ്ങളെ അടിച്ചമർത്താൻ ശ്രമിക്കുന്നത് മതക്കാരായാലും രാഷ്ട്രീയക്കാരായാലും ശരിയല്ല.വിശ്വാസം നിലനിർത്തണം എന്നതിനപ്പുറം മതരാഷ്ട്രങ്ങൾ അഥവാ സ്വമതാധിപത്യലോകംതന്നെ സൃഷ്ടിക്കണമെന്ന് ഏതെങ്കിലും മതങ്ങൾ ആഗ്രഹിക്കുന്നത് ശരിയല്ലെന്ന വിശ്വാസവും ഇയുള്ളവന്റെ മനസിൽ ഉറച്ചുപോയി എന്ന് വിനയപൂർവ്വം അറിയിക്കട്ടെ! മതങ്ങൾ മതങ്ങളുടെ വഴിക്കും യുക്തിവാദം യുക്തിവാദത്തിന്റെ വഴിക്കും രാഷ്ട്രീയം രാഷ്ട്രീയത്തിന്റെ വഴിക്കും സഞ്ചരിക്കട്ടെ!

വാചാലത ഒരു അസുഖമായതിനാൽ കാടു കയറി ഇത്രയും എഴുതി താങ്കളുമായി സൌഹൃദപ്പെടുന്നു. ഇങ്ങനത്തെ കമന്റൊക്കെ മതിയെങ്കിൽ ഇനിയും ലിങ്കുകൾ അയക്കുക!

കമന്റ്: സി.പി.എം ആകുന്നത് അത്രവലിയ അപരാധമോ?

എന്റെ ഈ പോസ്റ്റിൽ കമന്റുകൾക്ക് ഞാനെഴുതിയ ചില മറുപടികൾ. ബന്ധപ്പെട്ട പോസ്റ്റിലേയ്ക്കുള്ള ലിങ്ക് : സി.പി.എം ആകുന്നത് അത്രവലിയ അപരാധമോ?

ഇന്ത്യയിലെ ഇതര സംസ്ഥാനങ്ങളുടെ സ്ഥിതി ഞാൻ പലപ്പോഴും സൂചിപ്പിക്കാറുള്ളതാണ്. ഇടതുപക്ഷത്തിനു വേഗം കടന്നുചെല്ലാവുന്ന സാമൂഹിക പരിതസ്ഥിതികളല്ല അവിടങ്ങളിൽ ഉള്ളത്. എന്നാൽ പറയും മാവോയിസം നക്സലിസം എന്നിവ വന്നതോ എന്ന്‌. ഇടതുപക്ഷത്തിനു പണ്ടേ അല്പമെങ്കിലും വേരോട്ടമുണ്ടായിട്ടുള്ള സംസ്ഥാനങ്ങളിലേ അവപോലും കടന്നു ചെന്നിട്ടുള്ളൂ. ഇന്ത്യയിലെ ആദ്യത്തെ പ്രധാന പ്രതിപക്ഷം കമ്മ്യൂണിസ്റ്റുകാരായിരുന്നില്ലേ എന്നിട്ട് പാർട്ടി എങ്ങനെ താഴോട്ടു പോയി എന്നും ആരോ ചോദിച്ചുകണ്ടു. ഇന്ത്യയിൽ ആദ്യം പ്രധാന പ്രതിപക്ഷമായിരിക്കുമ്പോൾ എത്ര കമ്മ്യൂണിസ്റ്റ് എം.പി മാർ ഉണ്ടായിരുന്നു? ഉണ്ടായിരുന്നവർ തന്നെ ഏതൊക്കെ സ്റ്റേറ്റുകളിൽ ഉള്ളവരായിരുന്നു?

ഇന്ത്യയിലെ ഇതര സംസ്ഥാനങ്ങളിലുള്ള ലക്ഷോപലക്ഷങ്ങൾ തങ്ങൾ മനുഷ്യരണെന്നുകൂടി തിരിച്ചറിയാൻ പറ്റാത്തത്രയും അജ്ഞതയുള്ളവരാണ്. സ്വന്തം ജാത്യ വിചാരങ്ങൾക്കപ്പുറം ചിന്തിക്കാനുള്ള ശേഷി അവർക്ക് ഇനിയും കൈവന്നിട്ടില്ല. അത്തരം ഒരു സമൂഹത്തിൽ കമ്മ്യൂണിസത്തിനു മേൽകൈനേടാൻ കഴിയാതിരിക്കുന്നതിൽ നാളിതുവരെയുള്ള നേതൃത്വത്തെ ഒരു പരിധിക്കപ്പുറം കുറ്റപ്പെടുത്തുന്നതിൽ അർത്ഥമൊന്നുമില്ല. മുമ്പ് കോൺഗ്രസ്സിനും ബി.ജെ.പിയ്ക്കും ബദാലായി വളർന്നുവന്ന ഒരു മൂന്നാം മുന്നണി പോലും ഇപ്പോൾ ഇല്ല. അതുകൊണ്ട് നിങ്ങൾ ഈ കമ്മൂണിസ്റ്റ് വിരോധികൾ ആഗ്രഹിക്കുന്നവിധത്തിൽ തന്നെ കോൺഗ്രസ്സും ബി.ജെ.പിയുമൊക്കെത്തന്നെ ഇനിയും കുറെ നാൾ ഇന്ത്യ ഭരിച്ചെന്നുതന്നെ വരും. പക്ഷെ അതൊന്നും ശാശ്വതസത്യമായി നില നിൽക്കില്ല. ജനം ഒരിക്കൽ വർഗ്ഗീയതയുടെയും മുതലാളിത്തത്തിന്റെയും തിന്മകൾ തിരിച്ചറിയുകതന്നെ ചെയ്യും. ആ തിരിച്ചറിവിലേയ്ക്കുള്ള ദൂരത്തോളം കാത്തിരിക്കേണ്ടതുണ്ട് എന്ന യാഥാർത്ഥ്യം ഞങ്ങൾ കമ്മ്യൂണിസ്റ്റുകാർക്ക് അറിയുകയും ചെയ്യാം. വിപ്ലവത്തിനു സമയമായില്ലെന്നു കരുതി പാർട്ടി പിരിച്ചു വിടാനല്ല, സമൂലമായ ഒരു വിപ്ലവത്തിന്റെ സാദ്ധ്യതകൾ അന്വേഷിച്ചു മുന്നേറാൻ തന്നെയാണ് സി.പി.എമ്മും ഇടതുപക്ഷവും ശ്രമിച്ചുകൊണ്ടിരിക്കുന്നത്.എന്തായാലും ഒരുവേള ഇന്ത്യയിൽ ബി.ജെ.പി ഇന്ത്യ ഒറ്റയ്ക്കു ഭരിച്ചാലുണ്ടാകാവുന്ന അപകടങ്ങൾ ഒന്നും ലോകത്ത് എവിടെയും കമ്മ്യൂണിസ്റ്റുകാർ ഭരിച്ചാൽ ഉണ്ടാകില്ല. യഥാർത്ഥ ഫാസിസം എന്താണെന്ന് സമീപ ദിവസങ്ങളിലെ ഡൽഹി സംഭവങ്ങൾ തന്നെ തെളിയിക്കുന്നുണ്ടല്ലോ.

പണ്ട് ഒരു കവി പാടിയത് ഞങ്ങൾ കൂടെ കൂടെ എല്ല്ലാവരെയും ഉണർത്തിക്കറുണ്ട്. ഹിറ്റ്ലരുടെ കാലത്തെ സംബന്ധിച്ചുള്ളതാണാ കവിത. ആദ്യം അവർ ജൂതന്മാർക്കെതിരെ തിരിഞ്ഞു. ഞാനൊന്നും മിണ്ടിയില്ല.കാരണം ഞാനൊരു ജൂതനായിരുന്നില്ല. പിന്നെ അവർ ക്രിസ്ത്യാനികൾക്കെതിരെ തിരിഞ്ഞു. ഞാനൊന്നും മിണ്ടിയില്ല. കാരണം ഞാനൊരു ക്രിസ്ത്യാനി ആയിരുന്നില്ല. പിന്നെ അവർ കമ്മ്യൂണിസ്റ്റുകൾക്കെതിരെ തിരിഞ്ഞു. ഞാനൊന്നും മിണ്ടിയില്ല. കാരണം ഞാനൊരു കമ്മ്യൂണിസ്റ്റായിരുന്നില്ല. ഒടുവിൽ അവർ എനിക്കുനേരേ തിരിഞ്ഞു. അപ്പോൾ അവിടെ എനിക്കുവേണ്ടി സംസാരിക്കാൻ ആരും ശേഷിച്ചിരുന്നില്ല. ഇതായിരുന്നു ആ കവിത. ഇപ്പൊൽ ഇന്ത്യയിൽ അത് സംഭവിച്ചു തുടങ്ങിയിട്ടുണ്ട്. കമ്മ്യുണിസ്റ്റുകൾക്കെതിരെ ഫാസിസ്റ്റുകൾ തിയിയുമ്പോൾ നാവനങ്ങാത്തവർക്ക് നേരെതന്നെ അവർ ആക്രമണം നടത്തുമെന്ന് സൂചിപ്പിക്കുന്ന സംഭവങ്ങൾ ഇന്ത്യയിൽ ഇപ്പോൾ ആവർത്തിക്കുന്നുണ്ട്. പലതരം വർഗ്ഗീയ ഫാസിസം അരങ്ങുതകർക്കുന്ന ഒരു രാജ്യത്തിരുന്ന് കമ്മ്യൂണിസ്റ്റ്-പുരോഗമനപ്രസ്ഥാനങ്ങളെ ദുർബ്ബലപ്പെടുത്താൻ ശ്രമിക്കുന്നത് ആത്മഹത്യാപരമായിരിക്കും എന്നേ പറയാനുള്ളൂ.
*****************************************************************************************************************************************

സീഡിയൻ,

കമ്മ്യൂണിസ്റ്റുകാരെ വിമർശിക്കുന്നവരെല്ലാം മാനവിക വിരുദ്ധരെന്നു ഞാൻ ഇതുവരെ ഒരിടത്തും ധ്വനിപ്പിച്ചിട്ടില്ല. അങ്ങനെയെങ്കിൽ പാർട്ടിയ്ക്കുള്ളിൽ നിന്ന് പാർട്ടിയെ വിമർശിക്കുന്നവരും മാനവവിരുദ്ധരാകണമല്ലോ. വർഗ്ഗീയത, നീതീകരിക്കാനാകാത്ത അക്രമം തുടങ്ങിയവയെ മാനവവിരുദ്ധമായി കാണുന്നുണ്ട്.എന്നാൽ തികഞ്ഞ വർഗ്ഗീയാജണ്ടകളുമായി പ്രവർത്തിക്കുന്ന സംഘടനകളിലും കുറച്ചെങ്കിലും മാനവത്വം ഉള്ളവരെ കാണാൻ കഴിയും. അവർ ഏതെങ്കിലും സാഹചര്യങ്ങളുടെ സമ്മർദ്ദത്തിൽ അത്തരം സംഘടനകളിൽ ചെന്നുപെട്ടുപോകുന്നതാണ്. കമ്മ്യൂണിസം മാനവികത ഉൾക്കൊള്ളുന്ന ഒരു പ്രത്യയശാസ്ത്രമാണ് എന്നതിൽ എനിക്ക് തെല്ലും സംശയമില്ല. എന്നാൽ മാനവികതയുടെ കുത്തക കമ്മ്യൂണിസ്റ്റുകാർക്ക് മാത്രമാണെന്ന് പറയാൻ മാത്രം വിവരമില്ലായ്മ എന്നിൽ കുടികൊള്ളുന്നില്ല. മാനവികത എന്നതിന്റെ അർഥം ഞാൻ മനസിലാക്കിയതനുസരിച്ച് മതങ്ങൾ അടക്കം പലതിലും മാനവികതയുടെ അംശങ്ങൾ ഉണ്ടായിട്ടുണ്ട് എന്നാണ്. മാനവികതയുടെ അംശങ്ങൾ ഏറിയും കുറഞ്ഞും ബൈബിളിലും ഖുറാനിലും വേദോപനിഷത്തുകളിലും, ഗീതയിലും രാമയണത്തിലും മഹാഭാരതത്തിലും ഒക്കെയുണ്ടാകും. ഗാന്ധിസവും മാനവികത ഉൾക്കൊള്ളുന്നു. എന്നാൽ ഇവയിലെല്ലാറ്റിലുമുള്ള മാനവികാംശങ്ങൾ മാത്രം സ്വീകരിച്ച് ശാസ്ത്രവിരുദ്ധവും യുക്തിക്കുനിരക്കാത്തതും കാലികപ്രസക്തമല്ലാത്തതുമായ മറ്റുള്ളവയെ തിരസ്കരിക്കുവാനുള്ള ആർജ്ജവം കാണിക്കണം.അത് കമ്മ്യൂണിസത്തിനും ബാധകമാണ്. മാറാത്തതായി എന്തെങ്കിലുമുണ്ടെങ്കിൽ അത് മാറ്റം എന്ന പ്രതിഭാസം മാത്രമാണെന്ന് മാർക്സിസം തന്നെ പറയുന്നുണ്ടല്ലോ.നല്ല നാളേകൾ സൃഷ്ടിക്കുവാൻ കമ്മ്യൂണിസത്തിനു സാധിക്കും എന്നു വിശ്വസിക്കാൻ എനിക്ക് തെല്ലും സങ്കോചമില്ല. അഥവ ഇനത്തെ നിലയ്ക്ക് കമ്മ്യൂണിസത്തിൽ മാത്രമാണ് പ്രതീക്ഷ!
*****************************************************************************************************************************************

ലോകത്തും ഇന്ത്യയിലും മതാധിപത്യം സ്ഥാപിക്കുന്നതിനു വിവിധ മതങ്ങളും മുതലാളിത്താധിപത്യം സ്ഥാപിക്കുന്നതിന് അഗോള മുതലളിത്തസമൂഹവും മത്സരിക്കുന്നുണ്ട്. നിലവിൽ ഇവയ്ക്ക് ബദലായി കമ്മ്യൂണിസത്തെ കാണാൻ കഴിയാത്തവർ, കമ്മ്യൂണിസം കാലഹരണപ്പെട്ടുവെന്നും അതുപേക്ഷിക്കണമെന്നും പറയുന്നവർ, പകരം വയ്ക്കാൻ എന്താണുള്ളതെന്നുകൂടി ചൂണ്ടി കാണിച്ചാൽ നന്ന്‌! കമ്മ്യൂണിസ്റ്റ് വിരുദ്ധ ആശയങ്ങൾക്ക് വശപ്പെട്ട് ആരെങ്കിലും കമ്മ്യൂണിസം ഉപേക്ഷിച്ചാൽ അവർ പിന്നെ എന്തിലാണ് വിശ്വസിക്കേണ്ടത്? എവിടെയാണ് നിൽക്കേണ്ടത്? എന്താണു ചെയ്യേണ്ടത്? ഇന്ത്യയിൽ-അല്ലെങ്കിൽ പോട്ടെ കേരളത്തിൽ- കമ്മ്യൂണിസം ഉപേക്ഷിക്കുന്നരൊക്കെ കോൺഗ്രസിലാണോ,ബി.ജെ.പിയിലാണോ, അതോ എൻ.ഡി.എഫിലാണോ, അതോ മുസ്ലിം ലീഗിലാണോ, ഏതിലാണ് ചേർന്ന് നാടിന്റെ വിമോചനത്തിനായി പ്രവർത്തിക്കേണ്ടത്? ഈ കമ്മ്യുണിസ്റ്റ് വിരോധം പ്രചരിപ്പിക്കാൻ ചെലവഴിക്കുന്ന ഊർജ്ജത്തിന്റെ ഒരംശം എല്ലാവരും വർഗീയതയ്ക്കും അഴിമതിയ്ക്കും മറ്റും എതിരെ ഉപയോഗിച്ചിരുന്നെങ്കിൽ എത്ര നന്നായിരുന്നേനേ!
********************************************************************************************************************************************

കമന്റ്സ്: സി.പി.എം ആകുന്നത് അത്ര വലിയ അപരാധമാണോ?

ദാ ഇവിടെ ഞെക്കിയാൽ കിട്ടുന്നഎന്റെതന്നെ ഒരു പോസ്റ്റിൽ
ഞാൻ എഴുതിയ ചില കമന്റുകൾ

സീഡിയൻ,

വലിയ അറിവൊന്നുമില്ലാത്തവരുടെയും അദ്ധ്വാനിക്കുന്നവരുടെയും അധ:സ്ഥിതരുടെയും പ്രതീക്ഷയാണ് കമ്മ്യൂണിസ്റ്റുകാർ എന്ന ചെറിയൊരറിവേ ഈയുള്ളവൻ ആഗ്രഹിക്കുന്നുള്ളൂ. താങ്കളെ പോലെ കൂടുതൽ അറിവും ഐശ്വര്യവും വന്നാൽ താങ്കൾ മാത്രമല്ല, ചില കമ്മ്യൂണിസ്റ്റുകാർ കൂടി കമ്മ്യൂണിസ്റ്റ് വിരുദ്ധരായി പോകാറുണ്ട്. കൂടുതൽ അറിഞ്ഞ് കമ്മ്യൂണിസ്റ്റ് വിരുദ്ധനാകേണ്ടെന്നു കരുതുന്നു. എങ്കിലും വെറുതെ വിടണമെന്നൊന്നുമില്ല.സമയമുണ്ടെങ്കിൽ അല്പജ്ഞാനംകൊണ്ട് എന്തെങ്കിലുമൊക്കെ മറുപടികൾ തട്ടിവിട്ട് സായൂജ്യനായിക്കൊള്ളാം.മാത്രവുമല്ല, ദൈവം എല്ലാവർക്കും ഒരേപോലെ അറിവും ബുദ്ധിയും കൊടുക്കാതെ അസമത്വം സൃഷ്ടിച്ച് വച്ചിരിക്കുകയുമാണല്ലോ! സാരമില്ല; ഉള്ള അറിവുകൾകൊണ്ട് നമ്മൾ സംതൃപ്തനാണേ! സീഡിയന് ആശംസകൾ! കമന്റിനു നന്ദി!

***************************************************

മുമ്പ് സോവിയറ്റ് യൂണിയനിലെയും ചൈനയിലെയും മറ്റും കാര്യം പറയുമ്പോൾ നമുക്ക് കേരളത്തിലെ കാര്യം പറയാം എന്നാണ് കമ്മ്യൂണിസ്റ്റ് വിരുദ്ധർ പറഞ്ഞിരുന്നത്. റഷ്യയിൽ മഴപെയ്യുമ്പോൾ ഇവിടെ കുടപിടിയ്ക്കുന്നവരാണ് കമ്മ്യൂണിസ്റ്റുകൾ എന്നു പരിഹസിച്ചിരുന്നു. ഇന്ത്യയിലെ കാര്യം പറയുമ്പോൾ റഷ്യയിലെ കാര്യം പറയരുതെന്നു പറഞ്ഞിരുന്നു. എന്നാൽ ഇപ്പോൾ കമ്മ്യൂണിസ്റ്റുകൾ റഷ്യയിലെയും ചൈനയിലെയും കാര്യം പറഞ്ഞേ പറ്റൂ എന്ന് അതേ കമ്മ്യൂണിസ്റ്റ് വുരുദ്ധർക്ക് നിർബന്ധം. നോക്കണേ സോഷ്യലിസം നില നിന്ന റഷ്യയെ പറ്റി കമ്മ്യൂണിസ്റ്റുകാർ മിണ്ടരുതായിരുന്നു. സോഷ്യലിസം ഇല്ലാതായ ഇന്നത്തെ റഷ്യയെപ്പറ്റി സംസാരിക്കുകതന്നെ വേണം!

പ്രായോഗിക വ്യതിയാനങ്ങളോടെ മാത്രമേ വ്യത്യസ്ത രഷ്ട്രങ്ങളിൽ കമ്മ്യൂണിസ്റ്റുകാർക്ക് പ്രവർത്തിക്കാൻ സാധിക്കൂ എന്നത് ഞാൻ മുൻകമന്റൊന്നിൽ പറഞ്ഞിട്ടുള്ളതാണ്.

************************************************

നമ്മൾ പൊതുവേ തിരുത്തൽ വാദികൾ ആണല്ലോ മാഷേ! പക്ഷെ തിരുത്തിത്തിരുത്തി പാർട്ടിയ്ക്കു പുറത്തു പോകാൻ ആഗ്രഹിക്കാത്തവരുടെ കൂട്ടത്തിൽ ആണെന്നു മാത്രം!താൻചത്ത് മീൻപിടിക്കുന്നതിലെന്തർത്ഥം? അകത്തു നിന്നുള്ള തിരുത്തലുകളേ ഉള്ളൂ.സി.പി.എമ്മിനെ പോലുരു പാർട്ടിയെയോ ഇടതുപക്ഷത്തെയോ കേരളത്തിലും ഇന്ത്യയിലും എഴുതിത്തള്ളാറായി എന്നൊന്നും നമ്മൾ വിശ്വസിക്കുന്നില്ല. അവയുടെ പ്രസക്തി വർദ്ധിക്കുകയാണ് എന്നു തന്നെ കരുതുന്നു. കാലത്തിനൊപ്പം സഞ്ചരിക്കുവാനുള്ള ശ്രമങ്ങളിൽ പലപ്പോഴും പാളിച്ചകളുണ്ടാകുന്നു എന്നുമാത്രം! എന്നെ വീണ്ടും വീണ്ടും എഴുതാൻ പ്രേരിപ്പിക്കുന്നതിനു നന്ദി!

കമന്റ്: സി.പി.എം ആകുന്നത് അത്ര വലിയ അപരാധമോ?

എന്റ്തന്നെ ഒരു പോസ്റ്റിലിട്ട ചില മറുപടിക്കമന്റുകൾ

പോസ്റ്റിലേയ്ക്കും കമന്റുകളിലേയ്ക്കുമുള്ള ലിങ്ക്
സി.പി.എം ആകുന്നത് അത്ര വലിയ അപരാധമോ?

കെ.പി.എസ്: "അതേ സമയം സി.പി.എം വിരുദ്ധന്‍ ആകുന്നത് അപരാധമാണോ എന്ന് ഞാന്‍ ചോദിക്കുകയുമില്ല. എന്തെന്നാല്‍ സി.പി.എം. അല്ലെങ്കില്‍ കമ്മ്യൂണിസ്റ്റ് വിരുദ്ധന്‍ ആകുന്നത് തെറ്റോ പാപമോ അല്ലെന്നും അത് നമ്മുടെ ജനാധിപത്യാവകാശമാണെന്നും ഞാന്‍ കരുതുന്നു. ഇന്ത്യയില്‍ എല്ലാവര്‍ക്കും സി.പി.എം. അനുകൂലികള്‍ ആകാന്‍ പറ്റില്ലല്ലൊ"

കമ്മ്യൂണിസ്റ്റ് വിരുദ്ധരകുന്നത് അപരാധമാണെന്ന ധ്വനി എന്റെ ഈ ലേഖനത്തിൽ ഉണ്ടോ? അങ്ങനെ ഞാൻ ഉദ്ദേശിച്ചിട്ടില്ല. കമ്മ്യൂണിസത്തിൽ അന്തർലീനമായിരിക്കുന്നുവെന്ന് കരുതുന്ന ഏതെങ്കിലും ഘടകങ്ങളോട് വിയോജിക്കുന്നതിലും അപരാധമൊന്നുമില്ല. ഞാൻ എഴുതിയത് ഒരു രാഷ്ട്രീയ പാർട്ടി എന്ന നിലയിൽ കമ്മ്യൂണിസ്റ്റുകാർ നടത്തുന്ന പ്രവർത്തനങ്ങൾ, സമരങ്ങൾ, ഇടപെടലുകൾ ഇവയേതിനെയും ദോഷൈകദൃഷ്ടിയോടെ മാത്രം നോക്കിക്കാണുകയും, കമ്മ്യൂണിസ്റ്റുകാർ എതിർക്കുന്ന ഏതൊരു കൊള്ളരുതായ്മകളെയും കമ്മ്യൂണിസ്റ്റുകാർ എതിർക്കുന്നുവെന്ന ഒറ്റക്കാരണം കൊണ്ട് അത്തരം കൊള്ളരുതായ്മകളെക്കൂടി ന്യായീകരിക്കുകയും ചെയ്യുന്ന പ്രവണതകളെ സൂചിപ്പിക്കുവാനാണ്. ആർ.എസ്.എസിനെയും എൻ.ഡി.എഫിനെയും (ഇപ്പോൾ എസ്.ഡി.പി.ഐ; അതോ പോപ്പുലർ ഫ്രണ്ടോ!) ) ഭയക്കുന്നത്ര കമ്മ്യ്യൂണിസ്റ്റുകാരെ ഭയക്കേണ്ടതുണ്ടോ എന്നും എനിക്ക് ചോദിക്കുവാനുണ്ട്.ഉത്തരേന്ത്യയിലെ മാഫിയാ രാഷ്ട്രീയം പോലെയും കമ്മ്യൂണിസ്റ്റുകാരെ ഭയക്കേണ്ടതുണ്ടെന്നു ഞാൻ കരുതുന്നില്ല. പ്രായോഗിക തലത്തിൽ നന്മതിന്മകളുടെ ആപേക്ഷികതകൾ മാത്രം കണക്കിലെടുത്ത് മാത്രമായാൽ പോലും ഇവിടുത്തെ കമ്മ്യ്യുണിസത്തെ മറ്റെന്തിനേക്കാളും ഭയക്കേണ്ടതോ വെറുക്കേണ്ടതോ ഇല്ല. ഏതെങ്കിലും പ്രദേശത്ത് ഒരു പ്രത്യേക കക്ഷിയ്ക്ക് മാത്രം മേൽക്കൈ വന്നാൽ അവർ മറ്റുള്ളവയ്ക്കുമേൽ ആധിപത്യം സ്ഥാപിക്കുന്നത് കമ്മ്യൂണിസ്റ്റുകാരിൽ മാത്രമുള്ള സ്വഭാവമില്ല. ഗാന്ധിസം പറയുന്ന കോൺഗ്രസ്സുകാർ പോലും ഇക്കാര്യത്തിൽ ഒട്ടും പിന്നിലല്ല. കേരളത്തില്പോലും. കേരളത്തിൽത്തന്നെ എത്രയോ സ്ഥലത്ത് കമ്മ്യൂണിസ്റ്റ് പാർട്ടിയുടെ പ്രവർത്തനങ്ങളെ തികഞ്ഞ ഫാസിസ്റ്റ് രീതിയിൽ പ്രതിരോധിച്ചിട്ടുണ്ട്, കോൺഗ്രസ്സുകാർ. ഒറ്റപ്പെട്ടാണെങ്കിലും പലയിടത്തുമുണ്ട് ഇന്നും കൊൺഗ്രസ്സ് ഗ്രാമങ്ങളും ആർ.എസ്.എസ് ഗ്രാമങ്ങളുമൊക്കെ. കമ്മ്യൂണിസ്റ്റ് സിദ്ധാന്തങ്ങളുടെ പച്ചയിൽ മാത്രമല്ല, അല്പം കായിക ബലംകൂടി ഉപയോഗിച്ചുതന്നെയാണ് കേരളത്തിലും ഇന്ത്യയിൽ പലയിടത്തും കമ്മ്യൂണിസ്റ്റുപാർട്ടി വളർത്തിയെടുത്തിട്ടുള്ളതെന്നത് നിഷേധിക്കുന്നുമില്ല. ഇന്ന് കേരളത്തിൽ കായശക്തികൊണ്ട് നിലനിൽക്കേണ്ട സ്ഥിതി കമ്മ്യൂണിസ്റ്റുകാർക്ക് എവിടെയെങ്കിലും എപ്പോഴെങ്കിലും ഉണ്ടെങ്കിൽ അത് കൂടുതലും വർഗ്ഗീയ സംഘടനകളുടെ ശാക്തീകരണം ഉള്ളയിടങ്ങളിലാണ്. കോൺഗ്രാസുകാർ പഴയതുപോലെ കമ്മ്യുണിസ്റ്റുകാരുടെ പ്രവർത്തന സ്വാതന്ത്ര്യത്തിനു തടയിടുന്നില്ല.അങ്ങനെയുള്ള മേഖലകൾ തീരെയില്ലെന്നല്ല. കോഗ്രസ്സുകാർക്ക് പ്രവർത്തന സ്വാതന്ത്ര്യം നിഷേധിക്കുന്ന ഇടങ്ങളും ഇന്നില്ല. ഒരു പക്ഷെ കണ്ണൂരിലെ പാർട്ടിഗ്രാമങ്ങളെ ചൂണ്ടി ഇപ്പറഞ്ഞതിനെ പ്രതിരോധിക്കാം. പക്ഷെ എല്ലായിടത്തും പാർട്ടി ഗ്രാമങ്ങളില്ല.അത് അവിടുത്തെ സാഹചര്യങ്ങളാണ്. കേരളത്തിൽ ഇനിയെവിടെയെങ്കിലും മറ്റുള്ള ആശയങ്ങനെ അടിച്ചമർത്തി ഏകകക്ഷി മേധാവിത്വം പുലർത്താൻ കമ്മ്യൂണിസ്റ്റുകാരോ കോൺഗ്രസ്സ് ഇൾപ്പെടെയുള്ള മതേതര കക്ഷികളോ ഇനിയുള്ള കാലം ശ്രമിക്കുമെന്നോ ശ്രമിച്ചാൽ തന്നെ അത് വിജയിക്കുമെന്നോ കരുതാൻ ഇപ്പോൾ ന്യായമൊന്നുമില്ല.എന്നാൽ ഇന്ത്യയിൽ മൊത്തത്തിലുള്ള സ്ഥിതി അതല്ല. മറ്റ് സംസ്ഥാനങ്ങളിൽ കമ്മ്യൂണിസ്റ്റുകാർക്ക് അധികം വേരോട്ടമില്ലാത്തതു തന്നെ അവിടങ്ങളിലെ രാഷ്ട്രീയമാഫിയാ പ്രസ്ഥാനങ്ങളുടെ എതിർപ്പുകളെ അതിജീവിക്കാൻ കഴിയാത്തതുകൊണ്ടാണ്. അതേ പറ്റിയിക്കെ പറഞ്ഞാൽ ഒരുപാടുണ്ട്. ഒരുദാഹരണം മറ്റൊരു കമന്റായി ഇടാം. അതുകൊണ്ടൊക്കെ കമ്മ്യൂണിസ്റ്റുകാരിൽ മാത്രം ഭയാ‍രോപണങ്ങൾ ഉന്നയിക്കുനത് സത്യസന്ധമാകില്ല.
*************************************************************************************

ഒരിക്കൽ ഉത്തരേന്ത്യയിൽ ഒരു മുഖ്യമന്ത്രിയുടെ സുഹൃത്ത് മുഖ്യമന്ത്രിയെ കണ്ട് ഒരു പരാതിപറയാൻ പോയി. ഈ സുഹൃത്തിന്റെ കാറ് ചില മോഷ്ടാക്കൾ-കം-ഗുണ്ടകൾ മോഷ്ടിച്ചുകൊണ്ടു പോയി. പ്രതികളെ അറിയാമായിരുന്നിട്ടും പോലീസ് പിടിക്കുകയോ കാർ തിരിച്ചു നൽകുകയോ ചെയ്തില്ല. പരാതി അനുഭാവപൂർവ്വം പരിഗണിക്കാമെന്ന് മുഖ്യമന്ത്രി ഉറപ്പുനൽകി. തിരിച്ച് പരാതിക്കാരൻ സുഹൃത്ത് ഇറങ്ങിവരുമ്പോൾ മോഷണം പോയ തന്റെ കാറ്‌ മുഖ്യമന്ത്രിയുടെ വീട്ടുമുറ്റത്ത് കിടക്കുന്നു. ഈ കാറു മോഷ്ടിച്ചവരടക്കം കുറെ ഗുണ്ടകൾ അവിടെ കുശലം പറഞ്ഞ് നിൽക്കുകയും ചെയ്യുന്നു. ഇതു കണ്ട സുഹൃത്ത് തിരികെ മുഖ്യമന്ത്രിയെ ചെന്നു കണ്ട് കാര്യം പറഞ്ഞു. തന്റെ കാറും മോഷ്ടാക്കളും മുഖ്യന്റെ മുറ്റത്ത് നിൽക്കുന്നുവെന്ന്! അപ്പോഴാണ് സാക്ഷാൽ മുഖ്യമന്തിയുടെ മറുപടി; അവന്മാർക്ക് വല്ലതും കൊടുത്തിട്ട് എടുത്തുകൊണ്ട് പൊയ്ക്കൊള്ളൂഎന്ന്‌! എങ്ങനെയുണ്ട് മുഖ്യമന്ത്രിയും ഗുണ്ടകളും ഗുണ്ടായിസവും. ഇങ്ങനെ ഒരു മുഖ്യമന്ത്രി എന്തായാലും കേരളത്തിൽ ഉണ്ടാകില്ലെന്ന് നമുക്ക് ആശ്വസിക്കാം. അപ്പോൾ അങ്ങനെയൊക്കെയുള്ള ഈ രാജ്യത്ത് വിമർശനബുദ്ധി മുഴുവൻ കമ്മ്യൂണിസ്റ്റുകൾക്കു നേരെ മാത്രം പ്രയോഗിക്കുന്നതിലെ ആത്മാർത്ഥതയിൽ സംശയം തോന്നുക സ്വാഭാവികം മാത്രം!
**********************************************************************************

ചൈനയും ക്യൂബയും ഒക്കെ അവിടെ നിൽക്കട്ടെ; ഇത് ഇന്ത്യയാണ്! മാർക്സിസം ആകെ മൊത്തം ടോട്ടൽ ഒന്നേയുള്ളൂ. പക്ഷെ വിവിധ രാജ്യങ്ങളെ സംബന്ധിച്ച് പ്രയോഗത്തിൽ എവിടെയും ഒന്നിന്റെ പകർപ്പാകായിരിക്കില്ല മറ്റൊന്ന്‌!

സ്വന്തം സുഹൃത്ത് എന്ന ബ്ലോഗിൽ ഇട്ടകമന്റ്

സ്വന്തം സുഹൃത്ത് എന്ന ബ്ലോഗിൽ ഇട്ടകമന്റ്

ബന്ധപ്പെട്ട പോസ്റ്റിലേയ്ക്കുള്ള ഒരു ലിങ്ക് ഇതാ: നിങ്ങൾ എന്നെ കമ്മ്യൂണിസ്റ്റ് അല്ലാതാക്കി

ക്യൂബയിലെയും ചൈനയിലെയും മറ്റും കമ്മ്യൂണിസം പോലത്തെ കമ്മ്യൂണിസം ഇന്ത്യയിൽ പ്രായോഗികമല്ലല്ലോ സുഹൃത്തേ! കമ്മ്യൂണിസ്റ്റാകാൻ ദാസ് ക്യാപിറ്റലും,കമ്മ്യൂണിസ്റ്റ് മാനിഫെസ്റ്റോയും ഒന്നും നമ്മൾ വായിക്കണമെന്നില്ല. അതൊക്കെ വായിച്ച് മനസിലാക്കിയിട്ടുള്ളവരുടെ വ്യഖ്യാനങ്ങളും ലേഖനങ്ങളും ഒക്കെ വായിച്ചാൽ മതി. താങ്കൾ കമ്മ്യൂണിസ്റ്റാണെന്നു പറയുന്നെങ്കിലും കമ്മ്യൂണിസത്തെ പറ്റി വികലമായ ധാരണകളാണുള്ളതെന്നു പറയേണ്ടി വന്നതിൽ ഖേദിക്കുന്നു. എതെങ്കിലും പ്രാദേശിക നേതാവിലൂടെ ഒരു പ്രത്യയശാസ്ത്രത്തെ മൊത്തം നോക്കിക്കാണുന്നതിലുള്ള പ്രശ്നവുമുണ്ട്. ഇന്ത്യയിലെയും കേരളത്തിലെയും സാമൂഹ്യ സാഹചര്യങ്ങൾ മനസിലാക്കാതെ ഇവിടത്തെ കമ്മ്യുണിസത്തെ വിലയിരുത്തുന്നതേ തെറ്റ്. താങ്കൾ ഈ പറഞ്ഞ വിഷയങ്ങൾ ഒക്കെ ഉണ്ടാകുമ്പോൾ പാർട്ടി പിന്നെ എന്തുചെയ്യണമെന്നാണ്? നിർദ്ദേശങ്ങൾ ഒന്നും കാണുന്നില്ലല്ലോ.(അതിനുമാത്രം ആളല്ലെന്നു വേണമെങ്കിൽ താങ്കൾക്കു പറഞ്ഞൊഴിയാം) പെട്രോൾ വില കൂട്ടിയതിൽ പ്രതിഷേധിക്കുകയല്ലാതെ രണ്ടോ മൂന്നോ സംസ്ഥാനത്ത് മാത്രം വേണ്ടത്ര ആൾബലമുള്ള ഒരു പാർട്ടിയ്ക്ക് എന്താ ചെയ്യാൻ കഴിയുക? മീണ്ടാതിരുന്നാൽ അതിനു പഴി വേറെ വരും. ഇന്ത്യയിലെ ഇതര സ്റ്റേറ്റുകളുടെയൊക്കെ സ്ഥിതി താങ്കൾക്കും അറിയാത്തതായിരിക്കില്ലല്ലോ. താങ്കൾ പറയുന്നതനുസരിച്ച് ഒരു പ്രശ്നത്തിലും ഇടതുപക്ഷം ഇടപെടാൻ പാടില്ല. മിണ്ടാതെ വായും പൊത്തി ഇരുന്നോളണം. കോൺഗ്രസ്സ് പ്രതിപക്ഷത്തായിരിക്കുമ്പോൾ അവർ അടങ്ങിയിരിക്കണമെന്ന് ഞങ്ങളാരും പറയാറില്ല. ആദ്യം ഇന്ത്യയിലെ പാർളമെന്ററി ജനാധിപത്യം, അതിന്റെ മെച്ചം, പരിമിതികൾ ഇന്ത്യയിലെ സാമൂഹ്യ പരിതസ്ഥിതികൾ ഇതൊക്കെ മനസിലാക്കുക.( താങ്കൾക്കവ മനസിലാകാഞ്ഞിട്ടൊന്നുമല്ല എന്നറിയാം. താങ്കൾ കമ്മ്യൂണിസത്തെ വെറുക്കാൻ വേണ്ടി വെറുക്കുകയാണല്ലോ!). ഇക്കലത്ത് കമ്മ്യൂണിസ്റ്റ് തൊപ്പിയിട്ട് കമ്മ്യൂണിസ്റ്റ് വിരുദ്ധം പറഞ്ഞാൽ അല്പം ചില കൈയ്യടികൾ ഒക്കെ കിട്ടും. ഈ കമ്മ്യൂണിസ്റ്റ് വിരോധികളായ കമ്മ്യൂണിസ്റ്റുകൾ ഒക്കെ പാർട്ടി വിട്ടുപോയ കാരണങ്ങൾ അന്വേഷിക്കുമ്പോഴാണ് അവരുടെ ആദർശശുദ്ധി ശരിക്കും മനസിലാകുക. താങ്കളെ എനിക്ക് വ്യക്തമല്ലാത്തതുകൊണ്ട് താങ്കൾ അക്കൂട്ടത്തിലുള്ള ആളാണെന്നു ഞാൻ കരുതുന്നില്ല. കണ്ണിരിക്കുമ്പോൾ കണ്ണിന്റെ കാഴ്ച അറിയില്ല.കേരളത്തിൽ കമ്മ്യൂണിസ്റ്റുകാർക്ക് ശക്തിയുള്ളതിന്റെ ഗുണങ്ങൾ അതില്ലാതാകുമ്പോഴേ അറിയൂ. നമ്മളും പാർട്ടിയെ വിമർശിക്കാറുണ്ട്. പക്ഷെ അത് വൈരനിര്യാതന ബുദ്ധിയോടെ അല്ല. ഇവിടെ കോൺഗ്രസ്സുകാരോ മറ്റോ നൂറു ദോഷങ്ങൾക്കിടയിൽ ഒരു ഗുണം ചെയ്താൽ അതിനെ അങ്ങ് ഉയർത്തിക്കാട്ടും. ഇടതുപക്ഷത്തിനു നൂറു ഗുണങ്ങൾക്കിടയിൽ ഒരു തെറ്റു പറ്റിയാൽ ആ തെറ്റിനെ ആയിരിക്കും താങ്കളെ പോലുള്ളവർ ഉയർത്തിക്കാട്ടുക. ഇതൊന്നും ഇന്നും ഇന്നലെയും തുടങ്ങിയതല്ല. ഇവിടെ പിന്നെ സി.പി.എമ്മുമാർ മാവോയിസ്റ്റുകളെ പോലെ ആയുധമെടുത്ത് അടരാടണമെന്നാണോ താങ്കൾ പറയുന്നത്? യഥാർത്ഥ കമ്മ്യുണിസം ഇതല്ലെങ്കിൽ യഥാർത്ഥ കമ്മ്യൂണിസത്തെക്കുറിച്ച് താങ്കൾക്കറിയാവുന്ന കാര്യങ്ങൾ എന്തുകൊണ്ട് ഷെയർ ചെയ്യുന്നില്ല? എന്തുകൊണ്ട് നല്ല നിർദ്ദേശങ്ങൾ വയ്ക്കുന്നില്ല? അപ്പോൾ കമ്മ്യൂണിസ്റ്റുകാർ നന്നാകണമെന്ന ആഗ്രഹമല്ല, നന്നാകരുതെന്ന അത്യാഗ്രഹമാണ് മനസിൽ. എങ്കിലല്ലേ വിമർശിക്കാൻ സാധിക്കുകയുള്ളൂ. ആദ്യം എന്തിലെങ്കിലുമൊക്കെ ഒന്നു വിശ്വസിക്കാൻ ശ്രമിക്കുക. എന്നിട്ട് ആ വിശ്വാസത്തെത്തന്നെ സദുദ്ദേശത്തോടെ നോക്കിക്കാണുകയും വിലയിരുത്തുകയും വിമർശിക്കുകയും ചെയ്യുക. പെട്രോൾ വില വർദ്ധിപ്പിച്ചപ്പോൾ അതു അല്പമൊന്നു ലഘൂകരിക്കാൻ ഉമ്മൻ ചാണ്ടി സർക്കാർ ചെയ്ത സംസ്ഥാന നികുതി വേണ്ടെന്നുവയ്ക്കൽ പരിപാടിയെ വലിയ കാര്യമായി ഉയർത്തിക്കാട്ടുക വഴി കേന്ദ്രത്തിലെ കോൺഗ്രസ്സ് സർക്കാർ അന്യായമായി പെട്രോൾ വില കൂട്ടിയതിനെ ന്യായീകരിക്കുകയല്ലേ താങ്കൾ? എന്തുകൊണ്ട് പെട്രോൾ വില കൂട്ടാതിരുന്നുകൂട? താങ്കളുടെ നല്ല കമ്മ്യൂണിസ്റ്റ് ചമയൽ തികഞ്ഞ കാപട്യവും താങ്കൾ ഒരു അടിയുറച്ച കോൺഗ്രസ്സുകാരനോ ബി.ജെ.പിക്കാരനോ ലീഗുകാരനോ ആണെന്നും ഇത് വായിച്ച എനിക്ക് തോന്നിയെന്ന് സ്നേഹപൂർവ്വം അറിയിക്കട്ടെ! താങ്കൾ ഈ പോസ്റ്റിൽ എഴുതിയതുമാതിരിയുള്ള അഭിപ്രായങ്ങൾ വച്ചുപുലർത്താനും പ്രചരിപ്പിക്കാനുമുള്ള എല്ലാ സ്വാതന്ത്ര്യവും താങ്കൾക്കുണ്ടെന്ന് അംഗീകരിച്ചുകൊണ്ടുതന്നെ ഞാനെന്റെ കൈത്തരിപ്പ് കീബോർഡിൽ ഇങ്ങനെ തീർക്കുന്നു; ആശംസകൾ!

പാലക്കാട്ടേട്ടന്റെ ഒരു ബ്ലോഗിലിട്ട കമന്റ്

പാലക്കാട്ടേട്ടന്റെ ഒരു ബ്ലോഗിലിട്ട കമന്റ്. ബന്ധപ്പെട്ട പോസ്റ്റിലേയ്ക്കുള്ള ലിങ്ക് താഴെയുണ്ട്.

http://edatharathampuran.blogspot.com/2011/10/blog-post.html

ജീവിതത്തിൽ ഓരോ കുടുംബത്തിനും സമാനമായ ഇത്തരം കൊച്ചുകൊച്ചു സന്തോഷങ്ങൾ ഉണ്ട്. ഞാൻ വിവാഹിതനല്ല.അതുകൊണ്ട് സ്വന്തമായി ഇത്തരം അനുഭവങ്ങലില്ല. എന്നാൽ എന്റെ സഹോദരിയുടെ പ്രസവദിവസം ഞാൻ കൂടെ ആശുപത്രിയിൽ ഉണ്ടായിരുന്നു. അവളുടെ കെട്ടിയോൻ ഗൾഫിലായിരുന്നു. സത്യത്തിൽ പ്രസവിച്ച ദിവസം മുതൽ ആ കുട്ടിയുടെ വളർച്ചയുടെ ഓരോ ഘട്ടങ്ങളും കാണുന്നത് ഒരു വലിയ അനുഭവം തന്നെയായിരുന്നു. ഇത്രയും സ്നേഹത്തിലും പരിചരണത്തിലും കുട്ടി ഒന്നു കരയുമ്പോൾ ഉള്ള ഉൽക്കണ്ഠകളിലൂടെയുമൊക്കെയാണല്ലോ ഓരോ കുട്ടിയെയും രക്ഷിതാക്കൾ വളർത്തുന്നത്. ആരെങ്കിലും ആക്രമിക്കപ്പെടുമ്പോൽ ഞാൻ ചിന്തിക്കാറൂണ്ട്. ആക്രമിക്കപ്പെട്ട ആൾ ഇതുപോലെ രക്ഷിതാക്കൾ വളർത്തുനവരല്ലേ? എങ്ങനെ ആ രക്ഷിതാക്കൾക്ക് അത് സഹിക്കാൻ കഴിയുമെന്ന്.എന്റെ ആദ്യത്തെ ശേഷാറിക്കുട്ടി ജനിച്ചതിനു ശേഷം ഞാൻ കുറച്ചുകൂടി സമാധാനപ്രിയനായി. സത്യത്തിൽ ഒരു ശേഷാറിക്കുഞ്ഞ് ജനിച്ചതിനു ശേഷം ഞാൻ പഠിപ്പിക്കുന്ന കുട്ടികളെ അതിനുമുമ്പെന്നപോലെ അത്യാവശ്യം ചൂരൽ പ്രയോഗം നടത്താൻ പോലും എനിക്കു കഴിയാതായി. വാത്സല്യം മൂത്ത് ഇപ്പോൾ പഠിക്കാൻ വരുന്ന കുട്ടികൾ ഇപ്പോൾ എന്നെ തീരെ വകവയ്ക്കാതായി എന്നു പറഞ്ഞാൽ മതിയല്ലോ! . സഹോദരീപുത്രരോട് ഇത്രയധികം സ്നേഹവാത്സല്യങ്ങൾ തോന്നുമെങ്കിൽ സ്വന്തം മക്കളോട് എങ്ങനെ ആയിരിക്കുമെന്ന് ഊഹിക്കാവിന്നതേ ഉള്ളൂ. എല്ലാ മക്കളും ഇതുപോലെയാണ്. ഓരോ രക്ഷിതാക്കളുടെയും പൊൻ കുഞ്ഞുങ്ങൾ. അതുകൊണ്ട് ആരും ആരെയും ആക്രമിക്കാതിരിക്കുക, വേദനിപ്പിക്കാതിരിക്കുക എന്നൊക്കെ പറയാനാണ് എനിക്ക് തോന്നുന്നത്; ഇന്നത്തെ (ഒരുപക്ഷെ എന്നത്തെയും) അക്രമാസക്തലോകം കാണുമ്പോൾ

നമ്മുടെ ഇവിടെയും ഇപ്പോൾ അപ്പൂപ്പൻ- അമ്മൂമ്മ വിളിയില്ല. അപ്പൂപ്പനെയും അമ്മൂമ്മയെയും അച്ഛൻ, അമ്മ, ഉമ്മ, വാപ്പാ എന്നൊക്കെത്തന്നെ ചെറുമക്കൾ വിളീക്കുന്നത്. ചില വീടുകളിൽ അമ്മുമ്മത്തള്ളയെ കൊച്ചുമക്കൾ വിളീക്കുന്നത് മറ്റേ അമ്മ, മറ്റേ ഉമ്മ, വീട്ടിലമ്മ, വീട്ടീ ഉമ്മാ എന്നൊക്കെയാണ്. എന്റെ ശേഷക്കാരികൾ അവരുടെ അമ്മൂമ്മയായ എന്റെ ഉമ്മയെ വിളിക്കുന്നത് വാവാവാ ഉമ്മച്ചി എന്നാണ്. കാരണം അവരെ തൊട്ടിലിലിട്ട് കൂടുതലും വവാവോ എന്ന് താരാട്ട് പാടിയത് അവരാണ്.അവരുടെ വാപ്പയുടെ ഉമ്മയെ മതിനി ഉമ്മച്ചി എന്നാണ് വിളിക്കുക. എന്റെ ഉമ്മ അവരുടെ നാത്തൂനെന്ന നിലയിൽ അവരെ മതിനി എന്നു വിളീക്കുന്നത് കേട്ടുകേട്ടാണ് വാപ്പുമ്മ മതിനിയുമ്മ ആയത്. അവരുടെ വാപ്പയുടെ വാപ്പ സിംഗപ്പൂർ ജോലിയുള്ള ആളായതിനാൽ അദ്ദേഹത്തെ സിംഗപ്പൂർ വാപ്പച്ചി എന്നാണ് വിളിക്കുന്നത്. എന്റെ വാപ്പയായ അവരുടെ ഉപ്പാപ്പ അദ്ധ്യാപകനായൈരുനതിനാൽ സാറുവാപ്പച്ചി എന്നാണ് വിളിക്കുന്നത്. ഏറ്റവും വലിയ രസം അവളുമാരുടെ സ്വന്തം വാപ്പയെ അവർ ദുബായി വാപ്പച്ചി എന്നാണ് വിളിക്കുന്നത്. എല്ലാവരെയും തിരിച്ചരിയണമല്ലോ! ഈ കുട്ടികളുടെയൊക്കെ ഒരു കാര്യം!